#كيف نجحو │نصائح و قصص من طرف أشخاص ناجحين في الحياة #Saad

 

قصة الأخ Saad :

كان الحلم ديالي فالصغر نولي مهندس فالمعلوميات من صغري كايعجبني نبحث و نخربق فالبيسي مرة كاندير شي حاجة فشكل و كانعيق بيها على الدراري و مرة كانخسر البيسي و نديه نفورماطيه كنت كاسول فالابتدائي وفالاعدادي وليت مجتهد كانو كايعيطولي غي لزعر مهم نجحت ف التاسع و درت علمي موراها مهم و كنت قراي ديك الساعة باقي عاقل جبت 17 فوسط النزوقة و قررت ندير سيونص ماط ماشي حيت كانبغي الماط غي باش نعيق على بنادم زعما راني مجتهد مابينا ما علينا ضربت السيمانا اللولا جبت 7 فالماط و 10 فالفيزيك مي

كنت فرحان حيت كنت من 5 اللوالا فالقسم و فت شي وحدين اللي ماعمري وليت فتهوم من بعد داك النهار الا فالسبور ههههمهم داز الغام جبت 16 فالدورة و تكلاسيت 5فالقسم و لكن دمرتها فالجهوي جبت غي 15 مي كنت فرحان حيت داكشي علاش كنت عوال مهم صافي سالا العام و جا الباك قلت صافي دبا خطينا من الالعاب و البيسي خصني نزير راسي الجملة الشهيرة اللي عمرها تطبقات و مزال تا دبا كانقول غانزير راسي فالاينصا ههه مهم دازت الدورة اللولة و الفروض و ضربت 16 عاوتاني كنت عوال على شي 18مي دوماج خرجات عليا التربية اسلامية بغيت نقول الماط صافي سالا العام مشينا ندوزو الفيزيك قلنا غانطرطقو مو صدق مطرطقنا اجمعين الا ياسين ههه ماتعرفوهش مي دبا تسمعو بيه من دبا شي 5سنين دزنا الانجليزية فرعتها كنت فرحان فيها مي تفكرت الفيزيك و وليت تكمشت ماعليناش دوزنا الماط موراها صافا و الفلسفة دخلت النقلة فالورقة دالواساخ اللي عطاونا فالصباح من زهري طاح فيا نفس اللون و دوزنا علوم مهندس ههه ولينا كاملين علماء تعاونا عليها وليتي تسمع مور النتائج القسم كامل جايب فيها يا 14 يا 15 صافي سالينا الامتحان جاو النقاط جبت 14،87 عرفت باللي انشاء الله غانجيب عتبة د انصام و انصا و اونسجي مشيت وجدتلهوم شوية بحال الناس اللي باغيين مدرسة من هادو اه نسيت ماقلتلكومش كنت باغي موراها لينا مي لينا صدقت مرا و ماجبتش العتبة ضاعتلي 100درهم ف والو ضحكت عليا غي براهيم و ياسين صافي جات اونسجي عطاوني طنجة طلعت دوزتها و مسينا عمنا تم مي رجعت مريض مهلوك حيت شربت ما و لا ضربني البرد و لا غي حيت كليت خانز و بنين ماعرفتش الشيء اللي خلاني ماندوزش اينصام الحمد الله اللي مادوزتهاش حيت كانت شينوا و غي غانضحك عليا الدراري صافي تصحصحت موراها و نضت ندوز الينصا ديك الليلة مادانيش النعاس مهم مشيت دوزت طرطقت داكسي و خرجت كانعيق على الدراري عرفت راسي غانجيبها و مشيت خلصت عليهم كوكا د 2 لتر يشربو فيها السم ههه مهم صاف داز الوقت و جبت البرومي شوا اللي هو مدينتي الدموع سالو ليا ديك اللحظة وتسجلت فيها و انتهت الحكاية و عاد الأمان و شكرا