#كيف_نجحو │نصائح و قصص من طرف أشخاص ناجحين في الحياة #HAMZA_HADDA

قبل من النصائح صراحة منين كلست و تأملت الطريق اللي مشيت لقيت أن الله سبحانه وتعالى يسر في أحسن طريق غانسلكها درت سيونس ماط اللي تعلمت منها بزاف ديال الحوايجو وراتني آش كانسوى و تلااقيت فيها أحسن أستاذ عرفتو و بصح كنت باغي انصام ساعا انصا حسيمة حسن لي حيث غاتعطيني دبلوم مهندس دولة بحالو بحال انصام و زيد عليه أنني وليت قاد نتحمل مسؤوليتي راسي كون درت انصام ماكنتش غانتحمل مسؤوليتي غانبقى ديما حدا مالين الدارو زيد عليها بوكيدارن بلاصة هادئة و مافيهاش الصداع و السرقة الحمدلله على كل حال أما النصائح اللي نتمنى يفيدوكم هوما كالتالي:

-هادي كالهالي الكوشومبر أي طريق تبعتيها ميدسين و لا اإنصام و لا إنصا دير فراسك تخدم الأمة ديالك لوجه الله و ربي مايخيبكش 

-صلي و دير داكشياللي عليك من عبادات و دعي الله ديما و دير الخير فبنادم باش يكون الله ديما معاك

-بلاصت ماتلوم المصحح اللي زبرك و اﻷستاذ اللي ماقراكش و الموجه اللي مادايرش خدمتو لوم راسك و صحح اﻷخطاء اللي درتي

-ختار الدومين اللي نتا غترتاح فيه و غاتعطي فيه داكشي اللي عندك ماشي اللي فيه الشوماج قليل و ثق دائما فراسك الرزاق الله 

-عمرك ماتكول راه بزاف اللي ماجابوش ،مانجحوش ،ماخدموش،... و كول إذا كان غي واحد اللي كايجيب،كاينجح،كايخدم... خاصني نكون أنا و خدم مزياااااااااااااااااان و الله ولي التوفيق يقول الله تعالى:(إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلًا) الكهفالآية30 

-إلا ماجاتش شي حاجة و إلا مانجحتيش فشي حاجة راه من الخير (و عسى أن تكرهوا شيئا و يجعل الله فيه خيرا كثيرا)

-التريث في إتخاد القرارات خصوصا المصيرية

-تعلمو تقراو بوحدكوم بلا ماتعتمدو على البروف

-تعلمو ديرو هدف بعيد المدى توصلولو و خدمولو ماتبقاوش غي تحلمو و ماتبقاوش تشوفو غي حدا نيفكم

-ماتخليو حتى شي واحد يحبطكوم لواه ماغاتفاليديوش ماغاتنجحوش... هادوك راه حاضيين غي الطالوقي 

-فوقاش مامليتي من لقرايا سير شوف لواليد ديالك شحال كاايضرب ديال تمارا باش نتا تقرا و ديك إلا كانت فيك النفس غاتقرا

-بعد من الغش راه الله يمهل و لا يهمل

-و أخيرا الصبر ثم الصبر ثم الصبر إن الله مع الصابرين إذا صبروا
الباك ليس نهاية الطريق و إنما بداية طريق أكثر صعوبة

 #HAMZA_HADDA